Daxuyanî

Ji Bo Raya Giştî

Encamên şer û berxwedana roja 9emîn li rojavayê Kurdistanê û bakûrê Sûriyê

Artêşa Tirk a dagirker û komên çete, bi bombebaran û topbaranekî dijwar êrîşên xwe yên qirkirinê li ser herêmên bakur û rojhilatê Suriyê bi şêwazekî hovane berdewam kirin. Hêzên me di çarçoveya parastina herêman û sivîlan de li dijî êrîşan bersivên xurt dan.

Dêrik 

Artêşa Tirk a dagirker û çeteyên girêdayî wê gundên Kanî Ne’imê, Qesir Dîb û her wiha gundewarên Dêrikê bi awayekî bê serûber topbaran kirin.

Amudê

Artêşa Tirk a dagirker di seet 17:00an de gundê Xanika dan ber guleyan û bi dijwarî topbaran kirin. Di topbaranê de 2 sivîl birîndar bûn û sivîlek şehîd ket. Her wiha hêzên me bi awayekî tund bersivê baregeha ku êrîş jê hat.

Serêkaniyê

Şevê din artêşa Tirk a  dagirker û çeteyên wê bi hemû teknîka xwe yê pêşketî, bi balafir û çekên giran ve li sê aliyên bajêr êrîşekî dijwar him ji milê bejahî û him jî hawayî anîn ser bajar. Di encama bersivdana şervanên me de ev êrîş hatin şikandin. Di hemû taxên bajar de êrîşên balafirên şer ên artêşa dagirker pêk hatin. Bi taybet li herêma derdora nexweşxaneya bajar şer û pevçûnên giran qewimîn.

Di çarçoveya bersivdana şervanên me de gundê Menacîr hat paqij kirin û li gundê Mîrindiya şer bi dijwarî berdewam dike. Li rojhilatê Serêkanî li gundê Elok li 2 aliyên gund şerekî dijwar qewimî û êrîş hat şikandin.

Aliya

Dem bi dem şerên dijwar bi çekên giran rû dan. Li gundê Elne’îm şervanan bersivekî xurt dan erîşên dagirkeran. Di encama çalakiyê de 5 çete hatin kuştin.

Eyn Îsa û Çelebiyê

Di seetên sibehê de çeteyên artêşa dagirker hewl da di gundê Çelebiyê de kontrola xwe çêbike. Li ser bersivdana şervanên me ev êrîş vala hatin derxistin. Heya êvarê cîh bi cîh pevçûn berdewam kir. Di encam de danê êvarê gund ji çeteyan hate paqijkrin. Şervanên me li gundên Ebû Sexra û Meheta yên li bakûrê Eyn Îsa 2 tank û 3 seyareyên leşkerî yên artêşa dagirker rûxandin. Di encama şer de herî kêm 30 çete hatin kuştin. Herwiha şervanên me li gundên Kendalê, Yaroda, Besta û bakûrê bajaroka Eyn Îsa li dijî dagirkeran 4 çalakî pêk anîn. Di encama çalakiyan de herî kêm çeteyek hat kuştin, bi dehan çete brîndar bûn. Di çalakiyan de 2 BNB û maşîneyek kar hate rûxandin.

Girê Spî

Li herêmê şer û pevçûnên giran qewimîn. Şervanên me li gundên Tirwaziyê, Sûsikê, Xirbet Faris û li herêmên derdora Girê Spî çalakiyên bi bandor pêk anîn. Di encama çalakiyan de herî kêm 10 çete hatin kuştin, hejmarek zêde Çete jî brîndar bûn. Herwiha maşîneyek kar, panzerek, seyareyek leşkerî û cebilxaneya çeteyên artêşa dagirker hatin rûxandin. Dîsa 2 sîvîl li ser rêya navdewletî di encama topbarana artêşa dagirker de şehîd ketin.

Kobanî

Piştî êrîşên artêşa dagirker, şervanên me di çarçoveya parastina rewa de bersiv dan û baregeheke artêşa dagirker hedef girtin. Di encama çalakiyê de 2 leşker hatin kuştin. Artêşa dagirker bi hawanan êrîş bri ser gundê Zorava.

Di encama şerê 24 seatan de bi giştî 50 leşker û çete hatin kuştin û 5 çete jî birîndar bûn. Her wiha şervanên me 2 tang, 1 BNB, 1 maşîneya kar û 1 panzêr rûxandin. 7 seyareyên leşkeri û zirxî hatin derb kirin.

20 şervanên me bi lehengî şer kirin û şehîd ketin, 48 şervanên me jî birîndar bûn.

 

Navenda Ragihandina QSD

17ê Cotmeha 2019

Gotarên Têkildar

Van jî kontrol bike
Close
Back to top button