Şehîd Zozan Hesekê Bi Merasîmeke Girseyî Hat Oxirkirin
Fermandara YPJ’ê Zozan Hesekê ku di 2-4 2024’an de şehîd bibû, , îro bi merasîmeke bi heybet li pakrewangeha şehîd Dijwar ya bajarê Hesekê hate oxir kirin. Merasîm bi tevlîbûna girseyeke mezin ya gel, rêveberiya xweser, qada civakî, meclisa malbatên şehîdan û qada leşgerî ve hat li darxistin û bi deqeyeke rêzgirtina li ser rihê şehîdan merasîma leşgerî hat despêkirin, her wiha ji bo bîranîna Şehîd Zozan fermandara yekîneyên YPJ’ê Rohlat Efrîn di merasîmê de axivî û got: “ Rêheval Zozan, di rêwîtiya xwe ya têkoşînê de bi kedkarî û fedekariya xwe ya bê hempa dihate nasîn. Li gelek çeperên berxwedan û serkeftinê bû pêşeng û bi rihekî APO’yî tol ji dijmin rakir. Di jiyanê de xwe bi felsefeya Rêber APO sitrabû û bibû rêwiyeke heqîqetê. ” Fermandara YPJ’ê di dawiya axaftina xwe de jî wiha got: “ Em weke rêhevalên heval Zozan, xwe deyndarê keda şehîdan dibînin li ser vî bingehî jî emê heta serkeftin û tol rakirina şehîdan şopdarên doz û riya şehîdên xwebin”. Her wiha li ser navê Kongra Star’ê Laleşîn berfîn jî destnîşankır ku “ Rêhevala me Zozan, îro xwedî li mîrateya malbata xwe ya xwedî gelek şehîd derdikeve. Rêheval Zozan, di gelek pêngavên rizgarkirinê de cihê xwe girt û serkeftin misoger kir. Îro kesên çete û noker tîfaq û bazaran li ser xwîna şehîdên me dikin, emê jî bi şopdarî û bi xwedî li şehîdên xwe derketinê rê li van kesan bigrin. Em bi şehadetan tune nabin, şehadet me xurt dike û me pêşde dibin”. Di dawiya merasîmê de bawernameya şehîd hate xwendin û teslîmî malbatba wê hate kirin. Bi silogana “Bê serok jiyan nabe, Şehîd namirin” şehîd Zozan li ser milê gel û rêhevalên xwe hate hoxir kirin.
Navenda Ragihandina YPJ
