Ji sengerên berxwedanê, şervanên QSD’ê nerazîbûnên xwe ji bo neradestkirina desthilata Şamê ji şervanên YPJ’ê ku gel wan dîl hatine girtin anî ser ziman.
Ji şervanên QSD’ê Rûbar Qamişlo û Ezîz Ereb, ku cihê xwe di sengerên berxwedaniyê yên Bendava Tişrînê de digrin, pêşengtî û wêrekiya şervanên YPJ’ê tînin ziman û dibêjin li gel ku desthilata Şamê naxwaze jin di qadên jiyanê de cih bigrin, lê em vê bi ti awayî qebûl nakin û emê li hember vê fikrê li kêleka hevalên xwe yên jin heya dawî şer û têkoşîn bikin.
‘Em wek şervanên QSD’ê li kêleka hevalên xwe yên YPJ’ê ne’
Ji şervanên QSD’ê Rûbar Qamişlo ji bo nêzîkatiya desthilata Şamê ji mijara azadiya jin re wiha dinirxîne : “Desthilata Şamê fikrê azadiya jin û fikrê Rêber APO qebûl nakin. Em wek şervanên QSD’ê li kêleka hevalên xwe yên jin in û emê heya dawî bi hev re şer bikin her wiha emê li hemberî feraseta desthilatdariya mêr ê serwer têkoşîna xwe bilind bike.”
‘Em ji hevalên xwe yên YPJ’ê hêz û moralê digrin’
Ji şervanên QSD’ê Ezîz Ereb ku ji netewa Ereb e, behsa vîn û hêza hevrêyên xwe yên di nava YPJ’ê de dike û wiha dibêje: “Em ji hevalên xwe yên jin hêz û moralê digrin, cesareta hevalên me yên jin di astekî pir mezin de cesaret dide me û em hêza xwe ji wan digrin. Em nêzîkatiyên desthilata Şamê ji mijara azadiya jin re û bi taybet piştî neradestkirina şervanên YPJ’ê ku dîl hatine girtin, pir baş dide nişandan ku li hember serxwebûna jinan dijberî heye. Em vê nêzîkatiye qet qebul nakin û eme li hemberî ve ferasetê hertim têkoşîna xwe domdar bikin.”
Şervanê QSD’ê Ezîz jî vê mijarê dinirxîne û wiha tîne ziman: “Ev bûye çend meh in HTŞ’ê hatiye ser desthilatdariyê. Lê pirsgirêka netewperestî,zayentperestî,olperest, û navendîbûnê her ku diçe kûrtir û mezintir dibe. Xuya ye ku ew naxwazin ku di Sûriyê de demokrasî, wekhevî û bi taybet azadiya jin pêk were. Emê wek şervanên QSD û YPJ’ê heya ku demokrasî û aramî li tevahiya Sûriyê pêk were, têkoşîna xwe ya ji bo azadiyê bidomînin.”
Navenda Ragihandina YPJ
02.06.2025
