Reqqa, bajarê berxwedan û jiyanê yê ku bi serkeftina îradeyê dawî li tarîtiya terorê anî, îro salvegera heştemîn a rizgarkirina xwe pîroz kir û di dilê Sûriyeyê de wekî sembola hêvî û nûbûnê ma.
Îro, bajarê Reqqayê salvegera heştemîn a rizgarkirina xwe pîroz dike. Ev pîrozbahî têkoşîn û berxwedana gelê herêmê li hember tarî û terorîzma ku bi salan bajar dorpêç kiribû temsîl dike. Di vê salvegerê de, girseyek mezin a ji Yekîneyên Parastina Jin (YPJ), Hêzên Sûriyeya Demokratîk (QSD), Asayîş û wesayîtên leşkerî pêk dihat, li hev civiyan da ku ji nû ve hêza yekîtî û hevgirtinê li hember dijwarî û astengiyan piştrast bikin.
Li Qada El-Bezran, Heval Cemîl; Yek ji fermandarên Hêzên Sûriyeya Demokratîk, gotarek pêşkêş kir ku tê de behsa qonaxên rizgarkirina Reqayê ji çeteyên DAIŞ’ê kir. Cemîl tekez kir ku serkeftin ne hêsan bû, lê belê şerekî dijwar bû ku bi wêrekî û fedakariya hemû hêzên beşdar, bi taybetî Hêzên Demokratîk û Yekîneyên Parastina Jin (YPJ), ku kevirê bingehîn ê parastina sivîlan û rizgarkirina taxan bûn, berdewam kir.
Cemîl nîşan da ku di şer de pêdivî bi veqetandinek zelal di navbera hemû yekîne û taximan de heye, ji ber ku her alî roleke xwe ya taybet hebû. Ev rêxistinbûna bi rêkûpêk di serkeftina pêngava rizgarkirinê de xwedî rolekî girîng bû. Heval Cemîl rave kir ku hevkariya navbera Hêzên Suriya Demokratîk (QSD), Yekîneyên Parastina Jin (YPJ) û Asayîşê de bû nimûneyeke ji hevgirtina leşkerî û mirovî re, ku rizgarkirina bajêr bilez kir û ew bi tevahî ewle kir.
Çend rêxistin û Nûnerên din ên ku beşdarî pêngava rizgarkirina bajêr bibûn jî axivîn. Wan jî li ser rola girîng a rêxistinên sivîl û alîkariyê ku di peydakirina piştgiriya lojîstîkî û mirovî ji niştecihên rizgarkirî re alîkarî kirin û hiştin hêdî hêdî jiyan vegere bajêr, axivîn û bibîr xistin.
Di dawiya çalakiyê de, hate tekez kirin ku salvegera rizgarkirina Reqayê ne tenê bûyerek ji bo pîrozbahiyê ye, lê di heman demê de bîranînek berdewam a pêwîstiya parastina destkeftiyan û xebata hevbeş ji bo pêşerojek ewletir û aramtir e. beşdarvanan girîngiya berdewamiya piştgiriya saziyên ewlehî û sivîl ji bo ji nû ve avakirina bajêr û avakirina civatek ku tundûtûjiyê red dike û aştiyê pêş dixe, tekez kirin.
Ev salveger wekî şahidiyek zindî a hêza gelê Sûriyê û hêzên wê yên çekdar ku dikarin zehmetiya derbas bikin tê. Her wiha ev salveger tekez dike ku yekîtiya niştîmanî û hevkariya hevbeş tekane rêya pêkanîna ewlehî û serkeftinê ye
Navenda Ragihandin YPJ’ê
21.10.2025
