Yek ji Fermandara YPJ’ê Stêrk Kobanê, di roja rojbûna Rêber Apo û salvegera damezrandina Yekîneyên Parastina Jin (YPJ) de, girêdanbûna xwe ya bi îdeolojiya Ocalan re anî ziman.
Fermandara YPJ’ê Stêrk Kobanê, di vê roja sembolîk de ku rojbûna Rêber APO û salvegera damezrandina YPJ’ê digihîne hev, girêdanbûna xwe ya bi xeta azadiyê re diyar kir û wiha anî ziman: ‘Ev helwest, encama rasteqîn a bandora paradîgmaya Ocalan e ku bingeha parastin û rizgariya jinê li herêmê ava kiriye.’
Stêrk Kobanê di axaftina xwe de, di serî de rojbûna Rêber Apo, li hemû şehîdên azadiyê û dayikên şehîdan pîroz kir û wiha anî ziman: “Rêber Apo ji bo jinên cîhanê rêya azadî û têkoşînê ronî kir. Em îro li vir, li ser hîmê van prensîban serbilindiya xwe nû dikin û bi biryardarî radigihînin ku em ê şopdarên îdeolojî û felsefeya Rêber Apo bin.’
Stêrk Kobanê bal kişand ser rola bingehîn a ku Rêber Apo di avakirina YPJ’ê de lîstiye û wiha got: “Rêber Apo hîmên azadî û demokrasiyê danî û ji bo ku jin xwe ji qeydên civaka kevneşopî rizgar bikin, rêyek nû afirand. YPJ wê her wekî çiraya têkoşîn û rizgariyê bimînin.
Stêrk Kobanê di dawiyê de bang li hemû jinan kir ku ji bo avakirina pêşerojeke ronî ya li ser bingeha edalet û wekheviyê, bi awayekî çalak tevlî xebatan bibin û wiha got: ‘YPJ wê ala têkoşînê her tim bilind bikin. Pêwîste nirxên Rêber Apo di jiyana rojane were pêkanîn û ji bo avakirina civakeke wekhev û bi rûmet bi rengekî çalak tevbigerin. Bi vî awayî, YPJ wekî mîneka zindî ya hêz û biryardariyê radiwestin. Ew di şopandina armancên dîrokî de xwedî mîrateyeke ji ramanên Rêbertî ne, ku vê mîratê bi rengekî berbiçav, rastiya jina îro ji nû ve ava kiriye.”
