Rustemê Biçûk Xwediyê Eşqa Mezin!

36

Ka bêje û bila dengê te bighêje her mirovekê

Ka kî dikare weke te bi eşqeke mezin, di binê zinaran de azadiyê bibîne

Kî dikare ji bo azadiyê canê xwe bike feda û kî dikare wêrekiya te ragre

Yên dikarin di lûtkeya zinarên herî bilind de Azadiyê bibînin

Ew dikarin mîna Bêrîtanan û mîna te bibin perî

Encax yên ku dilgermiya jiyana azad bijîn dikarin weke te bin

Te di rêya Bêrîtan’an de rihê Rustem’an ava kir

Te rihê milîtaniyeke ku zinaran ji xwe re nizim dibîne afrand

Erê Rustemê Cûdî!

Te di nava dilê xwe de quntarên çiyayên Heftanînê rakir

Gera te ya li azadiyê lêgerînvanan li pey xwe dihêle

Lêgerînvan li rêya te digerin

Li azadiyê, li rûmetê diğerin…

Ji bo bîranîna Rustem Cûdî yê ku di Cenga Heftanînê de li berxwe dide û ji bo ku nekeve destê dijminê dagirker xwe ji zinaran davêje û rihê rêheval Bêrîtan nûjen dike… Bi berxwedana xwe azadiyê hembêz dike, ji hevalên xwe re dibe navnîşana têkoşîn û azadiyê…

Sema Şoreş

Navenda Ragihandina YPJ