Bi boneya yekemîn salvegera şehadeta pêşengên Ragihandina Azad Nazim Daştan û Cîhan Bîlgîn ku di 19’ê Kanûna 2024’an li Sed Tişrînê û Rizgar Denîz ku di 18’ê Kanûna 2017’an li Dêrazorê di êrîşa çeteyên DAIŞ’ê de şehîd bibûn bi merasîmeke bi heybet hatin bibîranîn.
Di merasîmê de hejmarek Rojnamevan, Rewşenbîr , Endamên Meclîsa Malbatên Şehîdan, Kesayetên Olî û Nûnerên Rêveberiya Xwesar amadebûn.
Merasim li navenda Mihemed Şêxo ya li bajarê Qamişlo bi deqeyek rêzgirtinê destpê kir. Di destpêka merasîmê de sînevziyonek li ser jiyan û têkoşeriya hersê Rojnamevanan hate pêşandan.
Piştre li ser navê Yekitiya Ragihandina Azad Bûnyad Cizîrî, Rêveberiya Ragihandina Jin Arîn Swêd û li ser navê Ajansa ANHA Ehmed Mihemed axivîn û soza şopandina hevpîşeyên xwe dan û diyarkirin ku ew ê li ser şopa heqîqetê ya hevrêyên xwe bin û pênûs û kamereya wan li erde nehêlin.
Piştre peyama Navenda Ragihandina YPJ ji aliye Rojnamevan Ciwana Cûmaa ve hate xwendin.
Ji bo bîranîna Nazim Daştan û Cîhan Bîlgîn ji aliyê Rojnamevan Enes Yildiz û Ferhadê Merdê ve helbest hatin xwendin û ji koma Boten stran hatin gotin.
Di dawiyê de hevrêyên Nazim û Cîhan berê xwe dan pakrawangeha Şehîd Delîl Saroxan û qebde gul danîn ser gorên şehîdan û mûm hatin pêxistin.
Merasim li goristanê bi siloganên ‘Şehîd Namirin’ bi dawî bû.
Navenda Ragihandin YPJ’ê
19. 12. 2025
