Di atmosfereke tije xemgînî û rûmet de, bajarê Kobanê şahidiya oxirkirina cenazeyê şehîd Agrî Zagros kir, a ku bi wêrekî û feda kariya xwe ya di ber welat de dihat naskirin. Şehîd Agrî di nava refên Yekîneyên Parastina Jin (YPJ) de sembola têkoşînê bû, ku canê xwe di oxira azadî û rûmetê de bexş kir.
Girseyên mezin ji şêniyên bajêr û herêmên derdorê herikîn merasîmê, li gel dengê dayikên dildewr ku zarokên xwe di şerên têkoşînê de winda kirine. Dayikên ku êş di dilê wan de rûniştiye li hev civiyan da ku xema xwe ya ji ber windakirina Agrî bînin ziman, di heman demê de dirûşmeyên ku dibêjin “Şehîd namirin” bilind bûn.Di vê navberê de, fermandarê Hêzên Sûriyeya Demokratîk (HSD) Mehmûd Qermox di dema merasîmê de daxuyaniyek da û tê de tekez kir: “Em ê li ser xeta şehîdên xwe têkoşînê bidomînin, bijarteyên me paşve gavin nakin, û soza me ji wan re berdewamkirina li ser riya azadiyê û parastina welat e. Em şehîdan didin û ji riya têkoşînê venagerin.”
Amadebûyan bi gotinên piştgirî û pejirandinê bersiv dan axaftina Mehmûd Qermox, ku coş û biryardariyê nîşan dida. Tîlîliyên dayikên şehîdan kêm nebûn, yên ku bi destên xwe nîşana serkeftinê bilind dikirin û tekez dikirin ku xwîna şehîdan dê bibe berhemê azadiya gelê wan.Tişta ku van şehîdan tîne cem hev, hezkirina welat û azadiyê ye, û bi her xatirxwestinekê re dirûşmeya nemir di mejî û dilan de rûdine: “Şehîd namirin”, da ku bîranîna wan di bîra nifşên pêşerojê de zindî bimîne.
