Pêngava cenga Rojava li bajarê Serêkaniyê di roja şeşemîn de bi berxwedaniyeke dîrokî ve berdewam dike. Li eniyên Rojhilat û Rojavayê bajêr, her wiha li xeta sînor bi xwe jî şer û pevçûnê pir dijwar tê jiyankirin. Şervan bi fedekarî û lehengiyeke mezin bersiv didin êrîşên artêşa Tirk a dagirker. Îro di seat 11:30 de şervanên YPJ û QSD li hemberî komeke çete û leşkerên artêşa Tirk a dagirker bi çekên giran çalakiyek li darxistin. Di encamê de gelek kuştî û birîndarên dijmin çêbûn, lê hejmar nayê zanîn. Nûçegihana Navenda Ragihandina YPJ’ê dîmenên vê çalakiyê girt. Em jî vê dîmena dîrokî a ku yek ji resmên berxwedana dîrokî a bajarê Serêkaniyê ye bi we re parve dikin.
Navenda Ragihandina YPJ
14 Cotmeh 2019
Bajarê berxwedêr Serêkaniyê
